انا داري واداري

أنا داري و أداري وإنت داري ** على جروحي وظرفي و اعتذاري

أنا داري و أداري وإنت داري ** على جروحي وظرفي و اعتذاري
ولكن التغلي فيك عادة ** وأنا مليت من طول انتظاري

تسمع قول عدواني وتزعل ** حذاري يا بعد عمري حذاري
ترى العدوان نيتهم خبيثة ** يجيبون الغداري بالقماري

تأكد قبل ماتزعل عليّ ** تثبت مثل مسلم والبخاري
ألا ياطير صيدك لي تردى ** علامك وأنت صياد الحباري

أنا والله خطير ومتولع ** وجاري اللي من الأحباب جاري
وعيني ماتنوم الليل كله ** سهير الطرف وتهل العباري

أنا اللي ما بقاء ألا ثواني ** من مجافاك وأستدعي الطواري
يشوفون العلاج اللي يناسب ** قبل يكشف علي الاستشاري

أنا عارف من أشكيله همومي ** إلى من صارت الدعوى إجباري
أشاكي من يعرفون المودة ** مثل عـزام وإلا بومـشاري

رجال لا انتخيت بهم شفوني **رجالٍ نفتخر فيهم و أماري
أبشكي عندهم ظبي ظلمني ** رماني بالمشوت والتواري

وخلاني طريح ٍ في حباله ** أصوت مير مالي من مجاري
عليه الله و أكبر كل ما جاء ** مع العذال له ذكر ٍ وطاري

لعب بي لعبة الكورة وسجل ** هدف محسوب في بابي كباري
لعب بي لعب تاريخ البطولة ** وغدا فوز البرازيل انتحاري

يتل القلب مني تل طايش ** إلى من تلله جيب ٍ سفاري
مدلل واعذابي من دلاله ** على فرقات الناس ضاري

غزالٍ شايف ٍ نفسه علينا ** تقول مرشح لمنصب وزاري
وله حق يتدلل ويتكبر ** مادام أهل الجمال أصبح يداري

ولي حق اشتكي مادام قلبي ** يحب الزين رغبة واختياري
وختم الشعر صلى الله وسلم ** على محمد عدد رمل المذاري

بس طبعاً في الجوآل احلىى

لعب بي لعبة الكورة وسجل ** هدف محسوب في بابي كباري
لعب بي لعب تاريخ البطولة ** وغدا فوز البرازيل انتحاري

اقول لك .. /

يعني لو تريدي تتحدي حد بهذا البيت خذي الرد عليه ..

((

انا ماني مثل غيري اجي من دقة الاصبع ..

انا مهره بلا فارس عجز منهو يروضها ..

))

وختم الشعر صلى الله وسلم ** على محمد عدد رمل المذاري

اللهمـ صلي على محمد وآل محمد ..

وتسلمين لي على هالشعر ..

والله يدومـ اشعارك علينا ..\

/|| بنت عمـ القمر ||\